 |
| Moving house |
بما إني عايش فى ريف ومع التطور اللى بيحصل فى الريف الفترة الاخيرة من توسع المناطق السكنية فيه وتشييد البيوت الجديدة على التراز المتطور; ناس كتير نقلت مسكنها علشان كده كنت بسمع كتير كلمة دا فلان نقل بيته للمكان كذا...
المهم بقى نرجع لموضوعنا الاساسي وهو خيالي الواسع...
بما ان خيالى نفسه كان أوسع من اي حاجة ممكن أتخيلها,
بما ان خيالى نفسه كان أوسع من اي حاجة ممكن أتخيلها,
قعدت مع نفسي كتير افكر وافكر ازاي البيت رغم مساحته ووزنه ممكن يتنقل؟
هل هيتربط بأحبال قوية ونشده بس فيه مشكله ازاي هنشده فى الشوارع الصغيره دي؟؟ ممكن ننقله على مرتين؟؟
أكيد مش هينفع علشان المبني لو اتقسم مش هنعرف نلحمه تاني؟؟
 |
| طفل مرهق |
ممكن حاجه معرفهاش يعني مثلاً قبل رفع المبني بيركبوا سوست فى الأساس والمبني يتنقل بطريقة معينة ويتنطط باوو باوو (بصوت السوسته) أكيد لا لأن هيقابلنا نفس مشكلة الشوارع اصغر من حجم المباني.
يبقى مافيش غير حل تالت وأخير وهو انه يتنقل بطيارة وطبعاً دخلت فى تفاصيل انا مش قد التفكير فيها حتى; ياتري هيربطوا المبني فى الطيارة ازاي هل بخطاف؟ ومن اي اتجاه؟ أكيد المبني مش هيكون موزون فى الجو وهيمرجح الطيارة واكتشفت بعد عدة اسئلة تدور فى ذهني ان الطيارة كمان ماتنفعش علشان الوزن.
أنا دوخت وصدعت أيام وليالي بسبب التفكير فى الموضوع دا وفى النهاية قررت اني اسأل والدي وأخيراً عرفت ان البيت مابيتنقلش الناس هما اللى بيتنقلوا فى بيت جديد, يا لها من رحلة خيالية شاقة
 |
| مبنى متنقل |
وفى الواقع الحالى ومع تطور التكنولوجيا والهندسة المعمارية فى الكثير من الدول (يُنَقل المبنى بكل بساطة فى اي وقت اعتماداً على أساس تصميم هندسي معين فى تأسيسة).
0 تعليقات